Ysbeer dood wetenskaplike
2011-09-22 17:57
Moskou – 'n Russiese wetenskaplike is dood nadat ‘n ysbeer hom naby 'n weerstasie op die Frans Josef-eilande noord van Rusland aangeval het.
‘n Jagtog vir die dier is sedertdien geloods,
het plaaslike amptenare gesê.
Die slagoffer, Mikhael Eryomkin, is Dinsdag
aangeval.
Weerkundige dienste in die distrik is
toestemming gegee om die dier te jag en dood te maak “om die veiligheid van die
werkers by die weerstasie te verseker”.
Dit is nie bekend presies wat aanleiding tot
die aanval gegee het nie.
Verlede maand het ‘n ysbeer ‘n 17-jarige
Britse skoolseun op ‘n skooluitstappie na die Arktiese sirkel doodgemaak.
Volg Nuus24 op Twitter.
- Sapa - AFP