Wrak van vermiste Russiese vliegtuig gevind

2012-05-10 07:25

Djakarta – Reddingswerkers het Donderdag die wrak van die Russiese Sukhoi Superjet 100, wat in Indonesië vermis geraak het, opgespoor, het die plaaslike media berig.

Tot 50 mense was aan boord die vliegtuig en nooddienswerkers het gesê geen oorlewendes is gevind nie.

Reddingswerkers wat in 'n helikopter oor 'n bergreeks in die Bogor-distrik naby Djakarta gevlieg het, het die wrak gevind, het Ali Umri Lubis van die militêre reddingspan aan Metro TV gesê.

– Volg Nuus24 op Twitter

- Sapa-DPA