Woods se vrou help met gholfstok
2009-11-27 22:19
Florida - Amptenare het gesê Tiger Woods se vrou het sy motorvenster met 'n gholfstok uitgeslaan om hom te probeer help na sy ongeluk.
Woods is uit die hospitaal ontslaan nadat hy in ’n ongeluk buite sy huis in Florida beseer is, het amptenare gesê.
Die ongeluk het plaasgevind toe Woods uit sy motorhuis gery het.
Polisie in Florida het gesê Woods se motor het ‘n brandkraan getref en toe in ‘n boom vasgery.
Woods se beserings is aanvanklik as ernstig beskryf, maar sy woordvoerder, Glenn Greenspan het later gesê die gholfspeler is vir ligte beserings behandel en toe ontslaan.
Polisie het gesê geen drank was betrokke nie maar die ongeluk word ondersoek.
- Sapa