Withuis-skieter mag verhoor word
2011-11-29 11:01
Washington – Die man wat daarvan aangekla word dat hy ‘n sluipmoord op pres. Barack Obama wou uitvoer, mag verhoor word.
Die kliniese sielkundige dr. Elizabeth Teegarden, wat Oscar Ortega-Hernandez bestudeer het, sê die man is bevoeg om verhoor te word.
Aanklaers het daarop aangedring dat verdere toetse op Hernandez gedoen word, het CNN berig.
Hernandez (21) is vroeër vandeesmaand by 'n hotel naby die dorp Indiana in hegtenis geneem.
Die polisie was op sy spoor nadat geweerskote naby die Withuis gehoor is.
'n Koeël is in die koeëlvaste glas van 'n buitevenster van die Withuis gekry, terwyl nog 'n koeël buite die Amerikaanse presidentswoning opgespoor is.
Obama was tydens die voorval nie tuis nie.
Lees meer hier
Volg Nuus24 op Twitter