Winkel val inmekaar, twee dood
2009-09-09 12:47
Nieu-Delhi – Ten minste twee mense is ernstig beseer en baie meer is vasgevang toe ‘n winkelsentrum in ‘n woonarea van Nieu-Delhi ineengestort het.
Volgens polisie is daar ten minste twee mense met ernstige beserings vanuit die puin gered nadat ‘n drieverdieping gebou in Faridabad ineengestort het.
“Dis onmoontlik om op die stadium te sê hoeveel mense dood is,” het die polisie aan die nuusagentskap IANS gesê.
“Ons probeer nog vasstel hoeveel mense vasgevang is.”
Volgens die polisie was daar bouwerk onderweg toe die voorval plaasvind.
“Hulle was besig om swaar kragopwekkers bo-op die dak te installeer,” het ‘n polisieman gesê.
- Sapa-dpa