Wilde honde verskeur ma, baba in Mexiko

2013-01-08 12:12

Mexiko-stad – Die polisie in Mexiko het Maandag wilde honde in ‘n natuurreservaat bymekaar probeer maak ná die honde glo vier mense, insluitend ‘n baba, verskeur het.

Die oorskot van ‘n ma en haar kind is op 29 Desember ontdek; en die lyke van ‘n jong man en meisie is op 5 Januarie in die Iztapalapa-distrik ontdek.

Owerhede in Mexiko-stad het sowat 25 honde gevang wat in rotse en grotte in die reservaat weggekruip het.

‘n Studie wat in 2008 voltooi is, het getoon dat sowat drie miljoen honde in stede in Mexiko ronddwaal.

– Volg Nuus24 op Twitter

 

- Sapa - AFP