Wêreld se oudste skaap sterf

2009-11-24 09:07

Sydney, Australië – Lucky, ‘n ooi wat twee jaar gelede as die oudste skaap in die Guinness Book of World Records opgeteken was, het gesterf.

Sy is op die Australiese plaas oorlede waar sy 23 jaar terug gebore was, het berigte Dinsdag gelui.

Delrae Westgarth, wat Lucky aangeneem het nadat sy deur haar ma agtergelaat was, het gesê die skaap het deel van die familie geword, en sy was nie alleen toe sy Maandag gesterf het nie. 

“Ons het haar na die skuur geneem waar sy grootgeword het, en lugverkoelers by haar aangeskakel, wat haar bietjie langer laat lewe het. Maar ongelukkig het sy dit nie gemaak nie,” het Westgarth vanuit haar plaas in Ballarat gesê.

“Sy het gewoonlik teen die agterhek getjank en altyd die honde geterg.”

Lucky, wat tot die ouderdom van 180 in skaap-jare gelewe het, was onder haar gunsteling nartjieboom begrawe, en sal ‘n grafsteen gemaak van swart leiklip, kry.

Poskaarte van Lucky is reeds te koop by Lake Bolac se toerismekantoor, en sal glo ‘n versamelstuk word. 

Lucky het die langlewendheidstitel vanaf George, ‘n merino, wat drie jaar gelede in Warren, Nieu-Suid-Wallis gesterf het, oorgeneem. George was 21 jaar oud. 

- Sapa-dpa