Weermaghoof vas vir moord
2010-02-09 04:18
Toronto, Kanada - Die bevelvoerder van 'n groot militêre basis in Kanada is aangekla vir moord na die dood van twee vroue, asook vir seksuele aanranding op twee ander vroue.
Insp. Chris Nicholas van die Ontario-polisie het Maandag gesê dat kol. Russel Williams (46) Sondag in hegtenis geneem is.
Williams was verlede Julie as die basis se bevelvoerder aangestel. Hy word aangekla vir die moorde op Jessica Lloyd (27) en Marie Comeau (38), 'n korporaal in die weermag. Lloyd se lyk is Maandag gevind.
Dan Dugas, woordvoerder vir die minister van verdediging Peter MacKay, het gesê hoewel die aanklagtes "ernstig" is, die minister nie kommentaar oor die aangeleentheid gaan lewer nie.
- Sapa-AP