Weerlig slaan gholfspeler dood
2010-12-16 13:09
Sydney - Australië is deur 'n hewige donderstorm getref waartydens dit gehael het, vloede ontstaan het en een gholfspeler deur weerlig doodgeslaan is.
Louise Whatman, nooddiens-woordvoerder, het gesê die 65-jarige man is dood en sy twee vriende het ernstige beserings opgedoen toe hulle Donderdag deur weerlig getref is by Hawks Nest, noord van Sydney.
Hoewel dit nie lank geduur het nie, was dit 'n ernstige storm. Haelkorrels so groot soos muurbal-balle het neergestort.
Desember is stormtyd in Australië.
- Sapa-AP
* Volg Nuus24 op Twitter.