Vyf sterf ná aanval by moskee

2012-12-08 11:36

Nairobi – Altesaam vyf mense is dood ná 'n granaataanval naby 'n moskee in Nairobi, het Moses Nyakwama, polisiehoof, gesê.

"Nog twee mense het in die hospitaal gesterf en die dodetal is nou vyf," het Nyakwama gesê.

Die polisie en ooggetuies het gesê 'n granaat is na aanbidders gegooi toe hulle Vrydag ná aandgebede die moskee verlaat het.

Nyakwama het gesê nog polisiebeamptes is ontplooi om te verseker dat daar vrede is
 
Die polisie moes Vrydagaand groepe betogers uiteenjaag nadat hulle die state ingevaar het om hul afkeur oor die voorval te kenne te gee.

Dié voorval is die jongste in 'n rits aanvalle in Eastleigh, Nairobi, waar 'n groot aantal Somaliërs woon.

– Volg Nuus24 op Twitter

- AFP