Vyf sterf in ontploffings tydens Hollande-besoek

2012-05-25 16:58

Kandahar – Vyf mense het gesterf en minstens 11 is gewond toe vyf bomme Vrydag in Afganistan onplof het, het beamptes gesê.

Die ontploffings kom te midde van pres. Francois Hollande se besoek aan Afganistan om die onttrekking van troepe uit die land te bespreek.

Twee passasiers is dood en drie is beseer toe ‘n bus ‘n padlangse bom in die suide van die provinsie Helmand getref het, het Daud Ahmadi, woordvoerder vir die Helmand-regering, gesê.

Hy sê "die vyand" het die bom geplant. Hy het na Taliban-rebelle verwys wat pres. Hamid Karzai se regering wat deur die Weste ondersteun word, onder druk te plaas.

In die suide van die Uruzgan-provinsie het ‘n padlangse bom ‘n polisiebeamptes geëis en drie ander beseer. ‘n Plaaslike polisiebevelvoerder is in die naburige provinsie Kandahar dood, het Afgaanse beamptes gesê.

‘n Selfmoordbomaanvaller op ‘n motorfiets het ‘n polisiebeampte en twee burgerlikes gewond in die dorp Spin Boldak in die Kandahar-provinsie, het ‘n plaaslike regeringswoordvoerder aan AFP gesê.

Frankryk het sowat 3 550 troepe wat teen die Taliban veg, maar Hollande sê hy sal hulle teen die einde van die jaar tuis hê.

Hollande het Franse troepe in die provinsie Kapisa ontmoet en met Karzai in Kaboel vergader.

Volg Nuus24 op Twitter

- Sapa - AFP