Vyf familielede sterf in vliegongeluk in België

2013-02-10 14:51

Charleroi – Vyf lede van ‘n familie is dood nadat ‘n klein vliegtuig Saterdag suid van Brussel neergestort het, het Belgiese nuusberigte gelui.

Drie van die slagoffers was jong kinders.

Die vliegtuig het ‘n probleem ondervind toe dit opgestyg het en het onmiddellik probeer om terug te keer na die lughawe in Charleroi.  Nietemin het die vliegtuig langs die aanloopbaan neergestort, het die webwerf van die koerant Le Soir berig.

Volgens die webwerf sudinfo.be was die slagoffers ‘n 68-jarige oupa, sy 39-jarige skoondogter en sy drie kleinkinders wat onderskeidelik sewe, ses en drie jaar oud was.

Die slagoffers was van Brissel en die kinders sy pa was op pad na die lughawe, het die berigte gelui.

Die ongeluk het omstreeks 10:00 plaasgevind. Die lughawe is tot verdere kennisgewing gesluit, het sy webwerf gesê.

– Volg Nuus24 op Twitter
 

- SAPA