Vuurpylaanval moor familie
2009-09-07 08:38
Kaboel, Afganistan – ‘n Vuurpyl wat glo deur die Taliban gevuur is, het Sondag ‘n huis in Kaboel getref en drie mense doodgelaat en twee ander beseer.
Volgens Zemarai Bashary, ‘n woordvoerder vir die departement van binnelandse sake, het die vuurpyl die huis in ‘n woonbuurt in die weste van Kaboel getref en is ‘n man, sy vrou en een van hulle dogters oorlede terwyl die egpaar se twee ander dogters ernstig beseer is.
Niemand het al verantwoordelikheid vir die aanval aanvaar nie.
Vyf Talibanlede is verlede week dood tydens ‘n poging om ‘n vuurpyl in die stad van Kaboel in te vuur. Die vuurpyl het te vroeg ontplof en polisie het later nog vier ander vuurpyle naby die toneel gevind.
Die Taliban het soortgelyke aanvalle op ander stede in Afganistan geloods, veral tydens die verkiesings op 20 Augustus vanjaar.
Die uitslae van die verkiesings moet nog bekendgemaak word, maar tot dusver toon uitslae dat die ampsdraer Hamid Karzai die verkiesings met 48% van die stemme gewen het.
- Sapa