Vuurpyl-aanvalle eis een in Kaboel

2012-11-13 09:18

Kaboel – 'n Man is dood en drie mense is beseer toe minstens vier vuurpyle na die Afgaanse hoofstad Kaboel afgevuur is, het die polisie Dinsdag gesê.

Genl. Mohammad Zahir, direkteur van die polisie se kriminele ondersoek-eenheid in Kaboel, het gesê die vuurpyle het in die noordoostelike deel van die stad naby 'n onafhanklike televisiestasie geland.

'n Huis is ook in die aanval beskadig.

Vuurpyl-aanvalle op Kaboel vind soms plaas, maar die wapens is nie baie akkuraat nie en teikens word gereeld deur die rebelle gemis.

Volg Nuus24 op Twitter.

- Sapa - AP