Vrou word beboet oor burka
2010-05-05 05:49
Rome – Italiaanse polisie het ‘n vrou met £50 (byna R500) beboet omdat sy ‘n volle Islamitiese burka gedra het.
Dit is die eerste straf van sy soort in Italië ná die onlangse golf van sanksies teen die burka in Europa.
Die 26-jarige meisie van Tunisië het Maandag in die straat in Novara geloop toe sy deur ‘n plaaslike polisie-beampte voorgekeer is.
“Stadspolisie het haar Maandagaand beboet en sy sal ‘n boete van £50 moet betaal,” het Mauro Franzinelli, ‘n munisipale polisie-beampte van Novara, aan AFP gesê.
“Sover ek weet is dit die eerste voorval in Italië.”
Verteenwoordigers van die Islamitiese gemeenskap in Italië het gewaarsku dat die kwessie ‘n delikate een is, maar het saamgestem dat polisie in Novara die reëls gevolg het en gesê dat dit nie ‘n geloofskwessie was nie.
- Sapa-AFP
Volg Nuus24 op Twitter