Vrou verwurg baba in lughawebadkamer

2010-12-27 22:47

Aboe Dhabi – Polisie in die Verenigde Arabiese Emirate is op soek na ‘n vrou wat na bewering haar pasgebore baba in ‘n lughawe se badkamer verwurg het voor sy ‘n vlug uit die land uit gevat het.

Die owerhede het Interpol genader om te help met die ondersoek.

Die vrou is deur sekuriteitskameras geïdentifiseer ná die lyk van haar babatjie in die badkamer gevind is.

Volgens The National, ‘n regeringskoerant in Aboe Dhabi, is die owerhede op soek na ‘n Ethiopiese vrou in haar dertigs.

 In die Verenigde Arabiese Emirate is dit onwettig vir ‘n ongetroude vrou om geboorte te gee.

Dit is nie bekend of die vrou ‘n burger van die Verenigde Arabiese Emirate is nie.


Volg Nuus24 op Twitter.
 

- SAPA