Vrou verlaat huis vir eerste keer in drie jaar
2010-08-27 01:45
Thailand – ‘n Vrou wat 274kg weeg en moontlik die swaarste persoon in Thailand is, het haar huis vir die eerste keer in drie jaar met die hulp van die Bangkok stadsraad en ‘n vurkkraan verlaat, het Times Live Donderdag berig.
Die bure van die 40-jarige Umnuayporn Tongprapai het die Bangkok metropolitaanse owerheid gekontak toe hulle uitgevind het dat sy mediese sorg benodig om ‘n gewas uit haar regterbeen te verwyder.
Die goewerneur van Bangkok, Sukhumbhand Paribatra, het gereël dat kameraspanne die geleentheid afneem.
Dit het ingenieurs, reddingswerkers, slopingswerkers, dokters en verpleegsters se hulp geverg om Tongprapai uit die huis te kry.
Lees meer by Times Live
Volg Nuus24 op Twitter