Vrou vergruis in hysbakongeluk
2011-12-15 12:45
New York – ‘n Vrou is Woensdag in ‘n grusame ongeluk dood nadat haar voet vasgehaak het terwyl sy by ‘n hysbak ingeklim het, die hysbak opgeskiet het en sy tussen twee vloere vergruis is, het IOL News berig.
Twee ander mense wat in die hysbak was, moes toekyk hoe Suzanne Hart dood is.
Hulle is uit die hysbak gered wat tussen twee vloere tot stilstand gekom het.
Hulle is na ‘n hospitaal geneem om vir sielkundige trauma behandel te word. Nie een van hulle beseer nie, het die polisie gesê.
Volgens ‘n wetstoepassingsbeampte het Hart in die hysbak ingestap toe haar voet in die gaping tussen die hysbak en die gangvloer vasgehak het. Die hysbak het toe skielik, met oopdeure, opgeskiet en haar saamgetrek.
Die ongeluk het Woensdag in Manhattan gebeur.
– Lees die volledige artikel by IOL News.
– Volg Nuus24 op Twitter.