Vrou tien dae lank in kas aangehou vir seks

2011-01-28 23:00

Hamilton – ‘n Man wat ‘n vrou na bewering vir tien dae aangehou en herhaaldelik verkrag het, het skuldig gepleit op aanklagte teen hom.

William Manis het in die Butler-distrikshof skuldig gepleit op aanklag van verkragting en ontvoering.

Hy het aanvanklik op grond van sy geestestoestand onskuldig gepleit, maar is later geskik geag om verhoor te word.

Sy slagoffer vertel dat Manis haar hande en voete vasgebind en haar in ‘n kas toegesluit het.

Die 22-jarige vrou het uiteindelik ontsnap toe sy uit ‘n venster op die tweede verdieping gespring het.

Volgens die vrou wou Manis haar aanvanklik verkoop as ‘n seks-slaaf.

Volg Nuus24 op Twitter.