Vrou sluit man vir ‘n jaar in kamer toe
2010-08-01 02:01
Arrou – ‘n Tagtigjarige Franse man is steeds in ‘n toestand van skok in die hospitaal nadat hy sowat ‘n jaar lank in ‘n wasgoedkamer toegesluit was.
Na bewering is die man reeds Woensdag bevry nadat sy vrou en haar beweerde kêrel hom vir ‘n jaar lank in dié vertrek opgesluit het.
Die polisie het die man uit sy huis in Arrou, suidoos van Parys, gered. Die man was glo blind, uitgehonger en fisies baie swak nadat sy vrou hom aangehou het.
Volgens ‘n betroubare bron is die man wakker maar wil hy nog nie met iemand oor die voorval praat nie.
Sy vrou (45) is Saterdag in hegtenis geneem en steeds in aanhouding nadat verskeie aanklagte teen haar aanhangig gemaak is.
Haar beweerde kêrel, asook haar seun is op borgtog vrygelaat. Hulle was glo medepligtiges omdat nie een die voorval aan die polisie rapporteer het nie.
Geld blyk die motief agter die vrou se wreedaardige optrede te wees. Duisende rande is die afgelope paar maande uit die slagoffer se bankrekening onttrek.
Na bewering het verskeie ander inwoners dit vreemd gevind dat die vrou saam met ‘n bejaarde man gewoon het terwyl sy ‘n verhouding met ‘n jonger man gehad het.
Die man is laas in Julie 2009 in die publiek gesien, toe hy besoek afgelê het aan ‘n apteek in Arrou.
Volg Nuus24 op Twitter.
- Sapa - AFP