Vrou se lyk opgesny en in rivier gegooi
2010-09-08 23:30
Madrid - 'n 49-jarige Amerikaanse vrou wat in die suidelike Spaanse stad van Seville gewoon het, is vermoor, haar lyk in stukkies opgesny en in 'n rivier gegooi, het die polisie Woensdag gesê.
'n 30-jarige Spaanse man wat die slagoffer geken het, is in hegtenis geneem en 'n bloedvlekke is in sy woonstel gevind, het 'n woordvoerder van die polisie gesê.
Die aard van hul verhouding en enige moontlike motief vir die moord is nie onmiddellik bekend nie.
Die vrou, wat die ma van een kind is, het lank in Seville gewoon en is oor die naweek as vermis aangemeld.
Polisieduikers het vir twee dae onder 'n brug oor die Guadalquivir-rivier gesoek en het twee sakke, een met haar kop en ander met haar arms en 'n tas met die res van haar liggaam gevind.
Die polisiebeampte wou nie Spaanse mediaberigte, dat die verdagte 'n bekentenis afgelê het of dat die slagogger as 'n Engels-onderwyser gewerk het, bevestig nie.
Die verdagte het 'n vorige oortreding wat nie onmiddellik vasgestel kan word nie, het die beampte gesê.
Volg Nuus24 op
Twitter
- AP