Vrou forseer naald in baba se kop
2009-11-12 16:49
Hanoi – Die Viëtnamese polisie het ’n vrou in hegtenis geneem nadat sy glo ’n baba met ‘n naald wou doodmaak.
Nguyen Thi Kim Duan (35) het ‘n naald in die brein van haar man en sy minnares se baba probeer forseer.
Sy is Woensdag amptelik in hegtenis geneem nadat sy sedert 6 November in aanhouding was, het die Diep van Cao, Hanoi se polisiekommissaris gesê.
Cao het gesê Duan het op 6 November vir haar man se minnares van meer as ‘n jaar lank, in Thai Nguyen gaan kuier.
Duan was glo bewus van die verhouding én die baba wat daaruit gespruit het.
Sy het vir Nguyen Thi Thanh gesê sy gaan die baba, toe slegs 30 dae oud, soos haar eie hanteer.
Sy het die baba buite oogkontak geneem en ‘n 10cm lange naald in die baba se kop forseer.
Die ma van die baba het later ‘n deel van die naald in die huilende baba se kop sien uitsteek en om hulp geroep. Haar bure het Duan aangehou terwyl hulle vir die polisie gewag het.
Dokters by die Thai Nguyen-hospitaal het die naald verwyder, maar is onseker hoe die voorval die baba se ontwikkeling gaan beïnvloed.
Duan het gesê sy het dit uit pure jaloesie gedoen.
Indien sy aan moord skuldig bevind word, gaan sy lewenslank sit.
-Sapa