Vragmotorbom eis 23

2013-01-04 15:27

Karbala – ‘n Vragmotorbom het Donderdag die lewe van 23 Sjiïtiese Moslems in Bagdad geëis wat die stad vir 'n godsdienstige pelgrimstog besoek het.

Die aanval kom ten spyte van streng sekerheidsmaatreëls wat in plek gestel is om die miljoene Moslems wat die stad na verwagting in die volgende dae gaan besoek, te beskerm.

Niemand het nog verantwoordelikheid vir die aanval aanvaar nie, maar Sjiïtiese Moslems word gereeld in die land geteiken.

Altesaam 23 mense is in die aanval dood en 49 is beseer.

Dit is die tweede aanval op Sjiïtiese Moslems die afgelope week ná sewe mense Maandag in Musayyib dood is.

– Volg Nuus24 op Twitter
 

- Sapa - AFP