Vrae ná tieners se redding op see
2010-11-26 11:00
Wellington – Die nuus dat drie Nieu-Seelandse tieners na 50 dae op see deur ‘n tuna-boot naby Fidji gered is, het die wêreld aan die gons.
Die seuns se redding is Donderdag as ‘n “wonderwerk” beskryf, maar nou meen kritici dat dit onmoontlik was vir hulle om so lank op see te oorleef sonder kos en water.
Samuel Perez, Filo Filo (beide 15) en Edward Nasau (14) is laas op 5 Oktober aan die kus van Tokelau gesien voordat hulle spoorloos verdwyn het.
Hulle is Woensdag sowat 1300km vanaf Nieu-Seeland deur ‘n tuna-boot gered en in Fidji in ‘n hospitaal opgeneem.
Volgens die seuns het hul oorleef danksy die feit dat hul ‘n seemeeu kon vang en kokosneute by hulle gehad het. Na bewering het hul glo ook seewater begin drink.
“Hulle moes die hele ding beplan het. Hulle moes gedink het dit is ‘n speletjie en dat hulle. vinnig die vasteland sou bereik,” het Kuresa Nasau, ‘n neef van die drie seuns, gesê.
“Ons was almal aanvanklik kwaad vir hulle, maar is nou net bly dat hulle veilig is.”
Na bewering het die seuns op die see grootgeword en is hulle nie bang om dit alleen aan te pak nie.
“Ons het altyd gehoop dat hulle gevind sal word en iewers op die see is,” het Nasau gesê.
‘n Gedenkdiens is kort na die seuns se verdwyning gehou nadat reddingswerkers die soektog na die hulle gestaak het.
Volg Nuus24 op Twitter.
- Sapa - AFP