Voortvlugtige eks-premier van Thailand in SA
2010-09-03 02:32
Kaapstad – Die voortvlugtige voormalige Thai premier, Thaksin Shinawatra, het sy verskyning in Afrika gemaak waar hy blykbaar vir Nelson Mandela gekuier het en met diamante smous.
Sy prokureur het ‘n foto van die omstrede leier saam met Nelson Mandela gepubliseer in ‘n poging om te bewys dat Shinawatra se gesondheid goed is en dat hy met belangrike persone ontmoet.
“Ek reis die heeltyd.
“Op die oomblik is ek in Afrika om diamante te myn,” het Thaksin aan die media in Thailand gesê.
Hy het bygevoeg dat die gerugte van sy ylende gesondheid bloot leuens is.
Volgens Thaksin is die foto van hom en Mandela verlede Vrydag geneem.
Die Nelson Mandela Stigting in Johannesburg was egter nog nie beskikbaar vir kommentaar nie.
Volg Nuus24 op Twitter.