'Voornemende terroris' in hegtenis
2011-03-30 21:00
Toronto (Kanada) - Die polisie het ‘n man by die Pearson-lughawe in Toronto, Kanada, in hegtenis geneem wat vermoedelik na Somalië wou reis om by ‘n terreurgroep aan te sluit.
Sers. Marc LaPorte, woordvoerder van die Kanadese polisie, het Woensdag gesê die man wou by Al-Shabaab aansluit en word daarvan aangekla dat hy gepoog het om aan terroristiese aktiwiteite deel te neem.
Al-Shabaab, wat met Al-Kaïda verbind word, probeer Somalië se tussentydse regering omverwerp.
Volgens LaPorte het verskeie jong mans in Kanada vermoedelik al na Somalië gereis om by dié groep aan te sluit.
Hierdie geval is die eerste inhegtenisneming in Kanada in dié verband.
- Volg Nuus24 op Twitter
- Sapa - AP