Vloede in Brittanje: 800 huise onder water

2012-11-26 10:31

Londen – Meer as 800 huise in Engeland en Wallis is onder water na swaar reën en sterk winde vloede regoor die Verenigde Koninkryk veroorsaak het.

Amptenare het gewaarsku dat nog reën vir Maandag voorspel is.

Twee mense is dood sedert die vloede verlede Woensdag begin het, insluitend ‘n vrou wat in Exeter gesterf het toe ‘n boom op haar geval het.

Brittanje se premier, David Cameron, het die vloede as skokkend beskryf en het belowe dat die regering sal verseker dat alles gedoen word om die slagoffers te help.

Tom Hudson, ‘n inwoner van die dorpie Malmesbury in Wiltshire, sê die vloede is die ergste wat hy in 14 jaar gesien het.

“Daar was vloede in 2000 en 2007, maar hierdie is baie erger as die vorige twee,” het Hudson gesê.

– Volg Nuus24 op Twitter
 

- Sapa - AFP