Vliegtuig maak noodlanding op snelweg
2010-02-02 00:09
New York – ‘n Amerikaanse vlieënier het Maandag ‘n noodlanding op ‘n besige New Jersey snelweg gemaak nadat hy probleme met die enjin beleef het.
Die voorval het vroegoggend op die noordelike deel van die snelweg, naby New York, plaasgevind. Niemand is beseer nie.
Die vlieënier, wat regstreeks verkeersverslae uitgesaai het, het dit reg gekry om sy vliegtuig aan die kant van die snelweg te land sonder om enige voertuie te tref maar het verkeer erg ontwrig.
- Sapa