Viëtnamese vloede eis 22 lewens

2010-11-19 10:30

Hanoi – Vloede, na afloop van ‘n week se swaar reënval in sentrale Viëtnam, het die lewe van 22 mense geëis, het owerhede Vrydag gesê.

Volgens die nasionale komitee vir vloed- en stormbeheer is sowat sewe mense ook as vermis aangemeld. Na bewering het 189 mense reeds die afgelope ses weke weens die vloede gesterf.

Sowat 300ml tot 500ml reën het sedert Sondag in die sentrale deel van Viëtnam geval. Hierdie week se vloede het glo sowat 40 000 huise verwoes.

Volg Nuus24 op Twitter.

- SAPA