Vier sterf in VSA skietery
2009-09-06 20:16
Holden – ‘n Man het Sondag sy vervreemde vrou en seun in ‘n huis doodgeskiet en daarna homself in sy motor doodgeskiet nadat die polisie hom probeer aftrek het, het amptenare in Louisiana gesê.
Sy tweejarige kleinkind is ook dood, moontlik nadat hy uit ‘n venster op die tweede verdieping probeer ontsnap het.
Die man se skoondogter is ook geskiet en ernstig gewond, het Perry Rushing van die polisie gesê.
Rushing het gesê dat dit wil voorkom of die skietery gekom het as gevolg van ‘n bakleiery wat al vir ‘n tyd tussen die 50-jarige man en sy vrou aankom.
Die man mag volgens wet nie naby sy vrou gekom het nie.
Die polisie is Saterdagaand na die huis, wat ongeveer 112km noord-wes van New Orleans is, uitgeroep.
Hulle het die 49-jarige vrou en hulle 26-jarige seun dood in die huis aangetref en die tweejarige sy lyk is buite gevind.
Rushing het gesê dat dit nie duidelik was of die baba doodgeskiet is of van die val omgekom het toe hy saam met sy my probeer ontsnap het nie.
Die seuntjie se ma is ses maande swanger en is na die hospitaal geneem waar sy in ‘n kritieke toestand is
- AP