Vier sterf in Taliban-aanvalle

2011-05-30 16:24

Herat – Vier mense is dood en 24 ander is beseer nadat twee Taliban-aanvalle in Herat, Afganistan, plaasgevind het, het beamptes gesê.

Beamptes sê Maandag se aanvalle het by ‘n herkonstruksieperseel van Navo gebeur.

Die Italiaanse nuusagentskap Ansa berig dat 15 Italianers beseer is. Die Italiaanse departement van verdediging kon nie dié inligting bevestig nie.

‘n AFP-verslaggewer in Herat sê daar was ‘n groot ontploffing by die hek van die perseel.

Die verslaggewer het bygevoeg dat die aanval blykbaar voortduur aangesien hy skote kon hoor.

Daar word berig dat vier kinders en ‘n vrou in die voorval gewond is.

Volg Nuus24 op Twitter.

- AFP