Vragskip sink, 4 dood

2012-12-06 11:17

Den Haag – Vier mense is dood en sewe word steeds vermis na 'n vragskip teen ‘n ander vaartuig gebots en naby Nederland se kus gesink het, het reddingswerkers gesê

Marcel Oldenburger, ‘n woordvoerder vir die kuswag, het gesê vier lyke is tot dusver uit die see gehaal.

Die soektog na die vermistes duur voort.

Altesaam 13 bemanningslede is ná die ongeluk gered.

“Ons hoop om die vermistes te vind,” het Kees Brinkman, ‘n woordvoerder vir die reddingswerkers, gesê, en bygevoeg dat hulle kanse op oorlewing al hoe skraler raak terwyl hulle in die water is.

– Volg Nuus24 op Twitter
 

- Sapa - AP