Vet man sterf na maande in stoel
2009-11-19 23:11
Colombia – Volgens owerhede het ‘n man met vetsug in South Carolina gesterf nadat hy sowat agt maande in ‘n lêstoel vasgevang was.
Lede van die plaaslike brandweer moes die 33-jarige Tillmon Webb uit die lêstoel sny nadat sy ma paramedici gekontak het omdat hy in pyn was.
Webb het sowat 365kg geweeg toe hy Woensdag gesterf het. Volgens sy vrou, Ada, het hy weens ‘n hartaanval gesterf.
Na bewering het die voormalige predikant sy knie in Maart-maand beseer en is hy sedertdien in die stoel vasgevang wat sy vrou elke dag moeisaam skoongemaak het.
Volgens paramedici was Webb se lyf oortrek met sere en het hy ook ‘n onaangename reuk gehad. Hy wou glo nie verder leef nie en was “gereed om na Jesus in die hemel te gaan”, het sy vrou gesê.
–Sapa