'Verpleegster' steel glo baba by hospitaal
2012-08-07 07:31
Garden Grove, Kalifornië – 'n Vrou wat haar as 'n verpleegster voorgedoen het, is in hegtenis geneem nadat sy glo 'n baba uit 'n hospitaal in suidelike Kalifornië wou ontvoer, het die polisie gesê.
Die vrou het na bewering die baba in 'n sak gesit, waarna sensors, wat aan die baba vasgemaak is, veroorsaak het dat 'n alarm afgaan.
Die 48-jarige vrou is Maandag by die Garden Grove- mediese sentrum in hegtenis geneem nadat 'n werknemer haar gekeer het voor sy die hospitaal kon verlaat, het lt. Jeff Nightengale op 'n mediakonferensie gesê.
"In die stadium weet ons nie hoekom sy die baba gesteel het nie," het Nightengale gesê.
Die vrou het glo na die baba se ma se kamer gegaan en gesê sy moet gaan stort voor die dokter haar kom ondersoek.
Toe die baba se ma uit die kamer is, het die vrou na bewering die kind in 'n sak gesit en probeer om haar uit die saal te dra.
"'n Sensor wat aan die baba vasgemaak het, het veroorsaak dat 'n alarm het afgaan," het Nightengale verder gesê.
Die baba was volgens Nightengale slegs vir 'n kort rukkie in die sak en is ongedeerd.
Die polisie probeer nou vasstel of dit die vrou se eerste oortreding is.
Nightengale het gesê die vrou het nie 'n geskiedenis van 'n geestestoestand nie.
– Volg Nuus24 op Twitter
- AP
