Vermiste vrou se motor en selfoon gevind
2010-05-16 02:43
Heidenheim, Duitsland – Polisie in Duitsland wat vir leidrade gesoek het na ‘n bankier se ontvoerde vrou, het die vrou se motor en selfoon gevind, het beamptes Saterdag gesê.
Die 54-jarige Maria Boegerl is vroeg Woensdagoggend vanaf die paartjie se huis in Heidenheim ontvoer. Die ontvoerdes het later die oggend haar man gebel en gesê hulle eis ‘n losprys van $374 000, het die polisie gesê.
Die man wat die uitvoerende hoof is van ‘n bank, het die geld langs ‘n afgespreekte motorrit afgelaai. Maar die losprys was nooit afgehaal nie. Die bankier het ook niks verder van die ontvoerdes gehoor nie, en hy het toe die polisie van sy vrou se ontvoering in kennis gestel.
Die motor wat gebruik was om sy vrou te ontvoer, is sowat 20 km vanaf die paartjie se huis gevind. Die polisie het haar selfoon naby die omgewing gevind waar haar man die losprys afgelaai het.
Meer as 300 beamptes maak gebruik van gidshonde om Maria op te spoor.
Die bankier sowel as die paartjie se twee kinders het ‘n pleidooi aan die ontvoerdes gerig.
- Sapa-dpa
Volg Nuus24 op Twitter.