Vermiste SAner se seiljag gevind
2010-03-28 11:22
Wellignton – ‘n Seiljag wat vir meer as twee weke langs die kus van Nieu-Seeland vermis was, is Sondag opgespoor. Die lot van die Suid-Afrikaanse seiljagvaarder wat aanboord was, is is nog nie bekend nie.
Paul Janse van Rensburg (40) is ‘n ervare seiljagvaarder. Hy is laas gesien toe hy op op 12 Maart vanjaar van Tauranga onderweg na Gisborne geseil het en vermisgeraak het.
'n Lugmag-vliegtuig asook drie ander vliegtuie het sowat 328 000 km van die oseaan deursoek, maar sonder enige sukses. Die soektog is sowat ‘n week gelede afgelas.
Janse van Rensburg se seiljag is Saterdag per toeval vanuit die lug naby die Chatham-eilande, sowat 700 km suidoos van Wellington, raakgesien.
‘n Vissersboot het die area waar sy seiljag raakgesien is net voor sononder bereik maar onstuimige waters het dit te gevaarlik gemaak om aanboord te gaan.
Pogings om aanboord te gaan sal glo in daglig voortgesit word.
Dit is nie bekend of Janse van Rensburg aanboord is nie en die seiljag se hoof seil is glo ernstig beskadig.
- Sapa