Vermeende pedofiel in Spanje vasgetrek
2011-12-02 17:38
Madrid – Spaanse polisiebeamptes het ‘n Britse man in hegtenis geneem ná hy na bewering sy stiefdogter verkrag het toe sy nege jaar oud was, het owerhede gesê.
Daar word vermoed dat die man sy stiefdogter se dogter jare later ook mishandel het.
Die man, wat in die stadium as L. Morris bekend staan, is in Los Gallardos naby Almeria, Spanje, aangekeer.
Morris (66) is onder ‘n Europese uitleweringslasbrief in hegtenis geneem nadat hy van Kent, Engeland, na Spanje verhuis het. Daar word berig dat die misdade in Spanje plaasgevind het.
“Hy word van vier aanklagte van verkragting en twaalf aanklagte van seksuele mishandeling beskuldig...” het ‘n polisieverklaring gesê.
Volgens die verklaring het die dade aangehou tot die stiefdogter 13 jaar oud was.
“Jare later [tussen 1993 en 1995] het die verdagte ook die dogter van hierdie persoon [stiefdogter] mishandel toe sy slegs ses was,” het die verklaring gesê.
Ondersoeke het verlede jaar begin toe beide vroue die beweerde mishandeling aangemeld het.
Volg Nuus24 op Twitter
- Sapa - AFP