Verdeeldheid in kerk 'n 'belediging vir God'
2011-01-23 22:52
Vatikaanstad - Pous Benedictus XVI het Christene Sondag gesmeek om hul onenigheid, wat hy as ‘n “belediging vir God” beskryf het, uit die weg te ruim.
Tydens ‘n week van gebede wat aan eenheid onder Christene opgedra is, het die pous gevra vir ‘n “ernstige poging om tot Christus te bekeer” tydens Sondag se gebed.
“Elke verdeling in die Kerk is ‘n belediging vir God,” het hy gesê vanaf sy balkon op St. Peter-plein.
Hy het vroeër die week “diepe berou oor die onmoontlikheid om dieselfde nagmaal te deel” uitgespreek – ‘n “teken dat ons nog ver daarvan is om eenheid te bereik”.
Hy het ook die ontberinge van Christene in die Midde-Ooste uitgelig. Dit is ‘n verwysing na onlangse aanvalle, insluitende die bomaanval op ‘n kerk in Egipte wat 21 mense dood gelaat het.
- Volg Nuus24 op Twitter
- Sapa - AFP