Veerboot sink in die Rooi See
2011-11-07 18:57
Amman – ‘n Brand wat vier dae gelede op ‘n veerboot in
die Rooi See uitgebreek het, het die boot laat sink.
Die Apella het 10 seemyle van die hawestad
Aqaba in Jordanië gesink.
Die skip, wat aan Bridge Maritime behoort, het
vanaf Aqaba na die Egiptiese hawestad van Nuweiba geseil.
Daar was 1 240 passasiers aan boord toe die
skip begin brand.
'n Tweede skip, wat aan dieselfde maatskappy behoort, het die passasiers ontruim en na veiligheid gebring.
Een passasier is dood en 44 ander is tydens
die voorval beseer.
Volgens die hoof van Bridge Maritime, Hussein
Souob, is die skip heeltemal uitgebrand en hou dit geen gevaar vir seeverkeer
in die area in nie.
Intussen het die direkteur-generaal van die
Jordanian Ports Authority, Mohammad Mubaydeen, gesê dat sy span nog geen teken
van besoedeling weens die sinking van die veerboot bespeur het nie.
“Die moontlikheid van besoedeling bestaan
egter steeds,” het Mubaydeen gesê.
Volg Nuus24 op Twitter.
- Sapa-DPA