VSA help met brandstof, toerusting in Mali

2013-02-05 12:03

Washington – Die VSA het al 30 vlugte na Mali onderneem om Frankryk se werk in dié land te ondersteun, het ‘n Amerikaanse woordvoerder gesê.

“Die Amerikaanse lugmag het Sondag (3 Februarie) 30 vlugte voltooi wat gebruik is om sowat 610 personeellede en 760 ton se toerusting en voorraad na Mali te neem. Die poging het op 21 Januarie begin,” het maj. Rob Firman gesê.

Hy het bygevoeg dat brandstof ook aan die Franse lugmag voorsien is.

Die syfers is bekend gemaak ná adjunkpres. Joe Biden Frankryk se ingrype in Mali Maandag geprys het.

Biden het by Francois Hollande, president van Frankryk, aangesluit en gevra dat die Verenigde Nasies sy vredesmagte in Mali ontplooi.

Franse magte het op 11 Januarie in Mali aangekom om te help om die noorde van die land uit die hande van rebellegroepe te bevry.

– Volg Nuus24 op Twitter 
 

- Sapa - AFP