VSA bang Iran het kern-plan

2011-09-04 07:06

Wene – Amerika is toenemend ­bekommerd oor gerugte dat Iran in die geheim kernwapens ontwikkel.

Dit kom nadat die Internasionale Atoomenergie-agentskap (IAEA) in ’n verslag dié gerugte as geloofwaardig en omvattend bestempel het.

Die verslag is Vrydag aan die IAEA se 35 lidlande en die Amerikaanse veiligheidsraad versprei.

Luidens die verslag rig Iran ’n nuwe ondergrondse perseel in om uraan te verryk.

Verrykte uraan kan gebruik word vir kernplofkoppe, maar volgens Iran wil hy dit net vir die vervaardiging van kernbrandstof gebruik.

Dit is nie die eerste keer dat die internasionale gemeenskap agterdogtig raak oor Iran se vermeende kernwapen-ambisies nie.

Luidens ’n Amerikaanse in­tel­li­gen­sie­ver­slag van 2007 bedryf Iran ’n kernwapenprojek bedryf, maar dat dit in 2003 gestaak is.

Die IAEA-verslag wek agterdog dat Iran dalk sy kernwapenprojek hervat het. – AP

Volg Nuus24 op Twitter.

- Rapport