VSA: Man skiet vroue, homself dood

2011-06-13 13:29

Durham – ‘n Man het drie vroue in Durham in die Amerikaanse staat Noord-Carolina doodgeskiet voordat hy homself om die lewe gebring het, het polisie gesê.

Worth Hill van die polisie in Durham het Sondag aan die nuusbron The News & Observer of Raleigh gesê ondersoekbeamptes het ‘n "teorie" oor die oorsaak van die skietery wat vroeg Saterdagoggend gebeur het.

Volgens Hill is die polisie nog nie gereed om dié inligting uit te reik nie. Verdere inligting oor die voorval is ook beperk.

Owerhede het die slagoffers as Alexandria Pierce (23), Amesha Page-Smith (24) en die 22-jarige Adrianne Stevens geïdentifiseer. Die gewapende man was Brinton Millsap (23).

Ondersoekbeamptes sê die vroue is talle kere geskiet.

‘n Motoris het die lyke op ‘n snelweg gevind. Volgens ondersoekbeamptes is die drie vroue binne 'n motor doodgeskiet. Die man is buite die voertuig aangetref.

Volg Nuus24 op Twitter.

- Sapa - AP