VSA: Man skiet administrateur, self by sakeskool

2013-01-16 13:30

St Louis – ‘n Gewapende man het by ‘n sakeskool in St. Louis ingestap en die administrateur in die bors geskiet voordat hy homself geskiet het, het die polisie gesê.

Volgens die polisiehoof, Sam Dotson, het die skietery omstreeks 14:00 Dinsdag plaasgevind. Die administrateur was in sy 40's en is in sy kantoor geskiet.

Dotson het bygevoeg dat beide die administrateur en die skieter operasies ondergaan het.

Niemand anders is beseer nie.

Die skietery het by die Stevens Instituut van Sake en Kuns plaasgevind. Sowat 250 studente is ingeskryf vir kursusse by sakeskool.

Dotson sê beamptes het studente gevind wat onder tafels en in kaste weggekruip het.

– Volg Nuus24 op Twitter

 

- AP