VSA: Jong ma sterf in tornado
2011-03-07 13:57
Rayne – ‘n Jong ma, wat haar kind teen die sterk winde beskerm het, is dood en twaalf ander mense is beseer toe ‘n tornado dié dorp in Louisiana tref.
Beamptes het Sondag gehelp om mense terug in hul wonings te kry nadat talle van die 1 500 inwoners hul wonings ontruim het, het Carroll Stelly, polisiehoof van Rayne, gesê.
Volgens Stelly kan mense weer in hul eie wonings slaap indien daar geen versperrings om hul huise is nie.
Sowat 100 beskadigde huise is egter steeds afgesper. Altesaam 40 van die huise is onbewoonbaar en 60 wonings is nog nie deursoek nie, het sy gesê.
Sowat 150 huise is beskadig of vernietig toe winde teen 217 km/h in die dorp ontstaan het.
Die huis waarin Jalisa Granger (21) dood is, is heeltemal deur ‘n gedeelte van ‘n boom platgedruk.
Sy, haar kleuter en haar ma is Saterdag deur bure en familielede uit die puin bevry, het Maxine Trahan, ‘n polisiewoordvoerder, gesê.
Inligting oor Granger se dood is nie bekend gemaak nie.
Volg Nuus24 op Twitter.
- AP