VN sal vra vir miljarde vir Haïti
2010-03-31 08:07
New York – Die Verenigde Nasies (VN) sal lande vra vir sowat $3.8 miljard (R28 miljard) se fondse om te help met die herbouing van Haïti se infrastruktuur.
Meer as 100 lande sal Woensdag die Internasionale Skenkerskonferensie vir Haïti bywoon.
Dit sal deur die president van dié land, Rene Preval, gelei word in samewerking met Ban Ki-moon, die VN se sekretaris-generaal, en Hillary Clinton, die VSA se minister van buitelandse sake.
Organiseerders sien hierdie konferensie as baie belangrik vir die herstel van dié land, wat gesukkel het nog voor die dodelike aardbewing verwoesting daar gesaai het.
Lees meer by www.iol.co.za.