Twee vas wat meisie se lewer aan gode offer
2012-01-01 13:07
Raipur, Indië – ‘n Sewejarige Indiese meisie is vermoor tydens ‘n offergawe en haar lewer is aan die gode geoffer om beter groei van gewasse tot gevolg te hê, het die polisie in die sentrale staat van Chhattisgarh Sondag gesê.
Lalita Tati se lyk is in Oktober gevind, ‘n week nadat haar ouers haar as vermis aangemeld het.
“’n Sewejarige meisie is deur twee mense geoffer wat geglo het die daad sal vir hulle beter gewasse oplewer,” het Narayan Das, die polisiehoof van die Bijapur-streek, gesê.
Twee mans is Woensdag in hegtenis geneem in verband met die moord. Die mans het erken dat hulle die misdaad gepleeg het, het die polisie gesê.
– Volg Nuus24 op Twitter
- Sapa - AFP