Twee pasiënte sterf in brand by psigiatriese hospitaal

2012-12-31 07:45

Toulon – Twee pasiënte het die naweek gesterf toe ‘n brand by ‘n psigiatriese hospitaal in die suide van Frankryk uitgebreek het, het ‘n regterlike amptenaar gesê.

Die bron het bygevoeg dat drie ander pasiënte ná die brand na ‘n hospitaal geneem is nadat hulle rook ingeasem het. Die voorval het by die sentrum Les Bois Saint-Joseph op La Crau naby Toulon gebeur.

Volgens die bron het die vlamme reeds vier pasiëntekamers verwoes toe tientalle brandbestryders by die toneel opgedaag het.

Dit blyk dat die brand in ‘n slaapkamer ontstaan het.

Sowat 60 personeellede en pasiënte is uit die psigiatriese eenheid verwyder.

Die sentrum sien om na pasiënte tussen die ouderdom van 18 en 35.

Volg Nuus24 op Twitter

- Sapa - AFP