Twee mans in Rusland steek hulself aan die brand
2011-04-15 22:00
Moskou – In twee aparte voorvalle het twee Russiese mans
hulself in protes teen burokratiese besluite aan die brand gesteek.
In die eerste voorval is ‘n man in sy vyftigs dood nadat hy homself in ‘n
Siberiese hof aan die brand gesteek het.
Sy rybewys was opgeskort en hy was in die hof
om teen dié bevel te appelleer.
Die vuur het versprei en die regter se
assistent het ook in die voorval gesterf.
Drie ander mense in die hof is ook beseer.
In Belogorsk het ‘n man homself in ‘n kliniek
aan die brand gesteek in protes teen ‘n dokter wat geweier het om vir hom ‘n
ongeskiktheidskaart te gee.
“Ons het aan hom probeer verduidelik dat hy
eers ‘n reeks mediese toetse moet ondergaan, maar hy wou nie luister nie,” het ‘n
amptenaar van die kliniek gesê.
Na bewering het die man die petrol oor homself uitgegooi
en ‘n vuurhoutjie getrek.
Volg Nuus24 op Twitter.
- SAPA