Twee in hof ná gefnuikte terreuraanval in Bangkok

2012-12-21 13:03

Bangkok – Twee Irannese is in hegtenis geneem nadat hul komplot om 'n bomaanval uit te voer, gefnuik is, het die polisie gesê.

Israeli-diplomate was glo die teiken van die bomaanval.

Die twee hou vol hulle is onskuldig ten spyte daarvan dat plofstowee in hul huurhuis in Bangkok gevind is.

Albei mans het Vrydag in die hof verskyn – 10 maande nadat die plofstowee hul huis op Valentynsdag opgeblaas het. Owerhede het gesê die twee se komplot as deel van 'n terreurnetwerk wat Iran ondersteun het.

Die mans se regsverteenwoordiger het gesê die mans sal getuig, maar hulle was nie bewus van die bomme in hulle huis nie.

Saeid Moradi, een van die mans, het albei sy bene verloor nadat hy in die straat gehardloop het met plofstowwe wat hy na polisiebeamptes wou slinger.

Hy is in 'n rystoel saam met die ander verdagte, Mohammad Kharzei, in die hof gebring.
      
– Volg Nuus24 op Twitter

- Sapa - AP