Twee beseer in Joe Biden-motorstoetbotsing
2010-02-15 05:50
Vancouver –Twee mense is beseer toe drie motors aan die agterkant van die Amerikaanse adjunk-president, Joe Biden se motorstoet in Vancouver in ’n motorbotsing betrokke was.
Die voorval het plaasgevind toe ‘n motor aan die agterkant van ‘n ander motor, deel van die motorstoet, gebots het. Die gestampte motor het teen ‘n derde motor gebots, het die Royal Canadian Mounted polisie gesê.
"Twee insittendes in die middelste motor het beserings opgedoen en is na die hospitaal geneem vir verdere behandeling. Een insittende is reeds vanuit die hospitaal ontslaan,” het die polisie in ‘n verklaring gesê.
Die twee beseerdes is geïdentifiseer as voormalige Amerikaanse Olimpiese atlete Peggy Flemming en Vonetta Flowers.
"Die oorsaak van die ongeluk is steeds nie bekend nie. Die kondisie van die pad, asook die olie op die pad kon tot die ongeluk bygedra het, het die polisie bygevoeg.
Biden is tans in Vancouver vir die Olimpiese Winterspele.
-Sapa-AFP